Nunatsinni ujaraannarnik sakkoqarnerup nalaa Sermermiunut attuumassuteqarluinnarpoq.
Maani1950-ikkunni itsarnisarsiorluni assaanerni nunap ikiariissaallutik qaleriiat ilaanni kulturikkut oqaluttuarisaanikkut ikiariit nassaassallit qulaarneqarsimaput taakkulu nunatta oqaluttuarisaaneranut paasinninnissamut pingaaruteqartuusimapput. Sermermiuni nunap qaavanit 2,5 meterit missaatut itissusilimmi issup iluani Saqqaq-kulturimeersunit atortut nassaassaapput. Inuit Saqqaq-kulturimeersut nunatsinni nunasisimasut siuliit ilagivaat. Saqqaq-kulturip inui Canadap issitortaatigoorlutik Umimmaat Nunaat aqqusaarlugu nunatta avannaata kitaanut tikiussimapput ukiut 4.500 missaasa matuna siornatigut. Taakku ukioq kaajallallugu tupermiusarsimapput. Najugarisarsimasaat ullmi ilisarisinnaavagut tupeqarfikuisa qeqqani kipparissunik, ujaraaqqanik ilaatigut imerneqarsimasuni, killoqartarnerisigut. Killui ikumatitsiviusarsimapput kiassaataasut, qaammaqutaasut aammalu nerisassiorfiusarsimasut. Saqqaq-kulturip inuisa nunatsinni nuna serminik pooqqanngitsoq tamakkingajavillugu siammartiterfigisimavaat ukiullu 1.000-t kristusip inunngorfia sioqqullugu missaata tungaanut tamaani najugaqarsimallutik.
Saqqaq-kulturip malitsigaa Dorset-kulturi, aamma ujaraannarnik ammaanik sanaanik sakkoqarfiusimasoq. Kulturip taassuma inui aamma nunarput tamakkingajallugu siaruaassimavoq. Nunatsinniisimapput ukiullu 800-nik kristusip inunngorfia0 sioqqunneraniit ukiup 0 tungaanut.
Dorset-kulturip kingorna Sermermiut ukiut 1.000-t sinnerlugit inoqarsimanngilaq. Ukioq 1300 missaani Thule kulturip inui tamaani nunassissimapput ukiullu 1850 tungaanut tamaani najugaqarsimallutik. Kalaaliusugut toqqaannartumik Thule Kulturip inuit kingoqqisuuvugut.
Ingerlaqqilluta qummut majuartarfikkooreerutta, tummeqqat qulaanni avammut qiviarutta isikkivik tupinnarluinnartoq iluliarsuarasaartoq tikissavarput. Imikkoortumi tulliuttumi samminineqartussaq kalallit oqaluttaatitoqarivaat Thulekulturimit aallavilik imminoortarnermut tunngasoq. ingerlanitsinni allamut uneqqaassuugut, tassa Nakkaavik-mik taaneqartartoq. Sammisassaq taanna nuannarinngikkukku tusarnaarnagu qaangiinarnissaa siunnersuutigissuara, ingerlaqqinnernilu tusarnaagassiaq nr. 9 tusarnaaginnaqqullugu.