Sermermiut eqqaani illut ilusai assigiinngitsorpaaluit takuneqarsinnaapput. Taakkualu ilagaat illu immikkuullarissoq ilaqutariinnik arlalinnik ataatsikkut inigineqartarsimasoq. Illu taamaattoq ukiut 1600 -1850 missaani atugaasarsimasoq. Illumi ilaqutariit tamarmik immikkut illeqartarput immikkullu qulleqartarlutik qorfeqarlutillu. Ilaqutariikkaat illeri puisip amiinik angisuunik qilaamit nivinngasunik akunnequteqartarsimapput.
Taamatut najugaqatigiinneq inooqatigiinnermut assigiinngitsunik iluaqutitaqarsimavoq. Soorlu pissakilliorfinni nerisassanik avitseqatigiittarnikkut – pisanit nunataanik imaluunniit aasaanerani peqqumaasiviliaasimasunit. Illup kiassarnissaa inuit amerlatillugit aamma piuminarnerusarpoq – ilaqutariit qulliminnut orsussaaruppata ilaqutariit allat qulliikialaartitsissapput.
Illut allat assingalugit illorsuaq ukiuunerinnaani atorneqartarsimavoq. Upernaakkut qilaava peerneqartarpoq, taamaalilluni sialuup, seqernup anorillu aasap ingerlanerani illup ilua salissammagu. Ukiakkut illu nutaamik qulineqartarpoq ilaqutariiaannut atoqqeriaannanngorlugu.
Ingerlaqqilaariarluta sissaq qanillissavarput. Tulliani unikkutta ujaraannarnik sakkoqarnerup nalaa sammineqassaaq. Itsarsuaq inuit ujaraannarnik sakkullit qooroq tamanna ukiut 4.000-t missaasa matuma siornata nunaqafigileqqaarpaat.
Qinnuigissuassi pisuffissiammiiginnaqqullusi. Tamaani kulturikkut eriagisassat takujuminaassinnaammata aserfallannissamullu mianersuuttariaqarlutik.