Maani inussuliap qaangernerani, UNESCO-p nunarsuarmi kingornussatut illersugaaniilerpugut. Qimerloorukku, malugissavat qaqqat isikkui immikkuullarilluinnartut. Qaqqat tunngavii pisoqarujussuit granit-inik gnejs-inillu pinngortut – ujaqqat, nunarsuup iluani qangarsuaq ukiut million-illit matuma siorna pinngortut. Matuma siorna ukiut 120.000-t missaani qaangiuttut sermersuaqarnerata nalaa kingulleq allartippoq. Taamanersuarlu Kalaallit Nunaat sermersuarmik ulinneqarsimavoq sermersuaqarneranilu soqarsimanani. Sermersuaqarnera ukiut 10.000 matuma siorna unissimavoq. Taamanilu Kalaallit nunaata maannakkut immamut killiganut sermeq tunuarsimalluni. Piffippassuarni qaqqat qaavi titarnilersoqqasutut isikkoqarput, sermit annertoorujussuit qaqqat nungullartillugit manissisissimammatigit. Piffinni arlalinni allani itisuunik kuminneqarsimasutit isikkulinnik peqarpoq manissitinneqarsimasunik. Allanilu qillernertut isikkulinnik itisuunik peqarpoq, pinngortartut, ujaqqat mikinerusut sermip qaqqallu akornanut pinikut nassatarineqartut kiliornertut isikkoqartilerlugit.
Tulliani uninnitsinni sammisassaq tassaavoq iluliumanermi naasut. Naak immaqa naasorpassuaqanngikkaluartoq, naatsorsuutigilluinnarpara, issittup naasuinik soqutiginarluinnartunik nassaarsinnaasutit, assigiinngitsualuit ilikkariarukkit.