Ingiaqatigiilluta angalaarnissatsinni soqautiginartorpassuanik oqaluttuunissassinnik qilanaarlunga tikilluaquassi.
Sermermiuni eriagisassanngortitami angalaarninnitsinni nunap pissusaa, nunaqarfiusimasorlu ilikkagaqarfigissavagut Kangiatalu Sulluanut isikkivik alianaalluinnartoq qimerluussallugu.
Angalaarnerput maani Kangiata Illorsuata silataanit aallarnissuarput. Illorsuaq ukiunink marlunnik sananeqareerluni 3. juli 2021 atoqqaartinneqartoq illussanik titartaasartumik danskiusumit Dorte Mandrupimik titartarneqarsimavoq. Illorsuaq 153 millioninik akeqarsimasoq pilersinneqarpoq Realdania, Namminersorlutik Oqartussat kiisalu Avannaata Kommuniata suleqatigiinnerisigut.
Takusinneqarsinnaasutut qisunit sanaamik aqqusiortoqarsimavoq – pisuttuarnitsinni taanna aqqutigissuarput taassumalu avataani ingerlasoqaqqusaanngilaq. 1990-ikkut naajartorneranni Ilulissani takornariaqarneq annertusiartulermat, paasinarsivoq issittup naasui annertunngikkaluartut tullaanneqarnerisigut nuna aserfallakkiartulersoq. Taamaammat pisuttuartut aqqutissaannik 2007-2009 sanasimavagut, nuannaarutigaarpullu nuna kingumut naaqqilersimammat. Tamaani nunap naajatornera sivisusarmat pisuttuarnitsinni siornatigut aqqutaasarsimasut suli ersitut takusinnaassuatit. Taakku pisuffissiap avataaniitut aqqutigineqassanngillat.
Kaammattuutigissuarput pisuttuarnitsinni silaannarik nipaassuserlu ilorrisimaarutigalugit nammineq sukkassusersi najoqqutaralugu ingerlassasusi. Erniinnaq UNESCOp eriagisassatut toqqagaanut appakaakkutta uterfigeqqissuassi inussuliallu eqqaani nunarsuup pinngoqqaarneranit immikkuullarissunik oqaluttuutissallusi.